Лондоннинг «Арсенал» клуби ҳужумчиси Кай Хаверц Чемпионлар лигасида «Бавария»га қарши сафар учрашуви (2:2) ҳақида ўз фикрларини билдирди.
«Канонирлар» 82-дақиқада Деклан Райс томонидан киритилган гол эвазига мағлубиятдан қутулиб қолишди.
«Умуман олганда, натижани адолатли деб ҳисоблайман. Бизда яна гол уриш учун бир нечта имконият бўлди, аммо «Бавария» ҳам хавфли вазиятлар яратди.
Бу ҳар икки жамоа ва мухлислар учун ажойиб ўйин бўлди. Ўз ўйинимиздан фахрлансак бўлади, чунки бу ерда мағлуб бўлмаслик осон иш эмас.
«Бавария» Европанинг энг кучли жамоаларидан бири. Шунинг учун натижадан қониқишимиз мумкин, гарчи, албатта, бундан ҳам кўпроғига эришишни истаган бўлсак-да», — дея Хаверцнинг сўзларини келтиради УЕФА.
Германиялик ҳужумчи «Арсенал»нинг асосий таркибида майдонга тушди ва 68-дақиқада захирага олинди.
