Миланнинг «Интер» клуби ярим ҳимоячиси Николо Барелла Чемпионлар лигасида «Шахтёр» устидан қозонилган ғалаба (1:0) ҳақида фикр билдирди.
Эътиборлиси, миланликлар учрашувдаги ягона голни бир киши кам бўлиб ҳаракат қилаётган пайтда киритишди.
«Чемпионлар лигасида ҳар бир ўйин қийин кечишини биламиз. «Шахтёр» футболчилари юқори маҳорат ва тезликка эга эканини кўрсатишди. Бу ғалаба биз учун жуда зарур эди.
Яхши футбол намойиш этиш ажойиб, аммо вазиятлардан унумли фойдаланиш ва натижага эришишни ҳам билиш керак.
Бу ғалабага тўлиқ лойиқ бўлдикми, билмайман, аммо бор кучимизни сарфладик. Қарши ҳужумлардан самарали фойдаландик», — дея Барелланинг сўзларини келтиради УЕФА расмий сайти.
«Интер» Чемпионлар лигасининг навбатдаги турида «Фейеноорд»га қарши майдонга тушади.
