Франциялик машҳур собиқ ҳужумчи Тьерри Анри «Бавария» юлдузи Харри Кейннинг ўйинига юқори баҳо берди. У англиялик футболчининг нафақат гол уриш маҳорати, балки майдондаги вазиятни тўғри баҳолаши ва жамоа манфаатини биринчи ўринга қўйиш қобилиятини ҳам алоҳида эътироф этди.

Кейн Чемпионлар лигаси доирасида Лондоннинг «Арсенал» клубига қарши кечган ва 2:2 ҳисобида якунланган учрашувнинг энг яхши футболчиси деб топилди.

33 ёшли ҳужумчи дастлаб Альфонсо Дэвисга голли узатма берди, кейин эса пенальтини аниқ амалга оширди.

«Кейн шунчаки футбол ўйнамайди — у майдонда фикрлайди. Бу йигитнинг ўзига хос жиҳатлари бор.

У вазиятни таҳлил қилади ва жамоа манфаати учун қўлидан келган барча ишни бажаришга тайёр. У — ажойиб футболчи. Унда ҳамма нарса бор, гап фақат гол уриш маҳорати ҳақида эмас. Унинг ақли ҳам бор», — деди «Арсенал» афсонаси CBS Sports телеканали студиясида.