«Реал» вингери Ян Диоманде Чемпионлар лигаси умумий босқичининг 3-турида «Лейпциг»га қарши баҳсда (4:1) гол ва голли узатма муаллифи бўлди.

19 ёшли ивуарлик футболчи 70-дақиқада Винисиус Жуниор ўрнига майдонга тушди. 83-дақиқада Диоманде Килиан Мбаппега голли узатмани амалга оширди, 87-дақиқада эса ўзи ҳам гол уриб, учрашувнинг якуний ҳисобини ўрнатди — 4:1.

Opta маълумотларига кўра, Диоманде 2003 йил сентябридан буён Чемпионлар лигасининг битта ўйинида ҳам гол уриб, ҳам голли узатма амалга оширган энг ёш африкалик футболчига айланди.

Бундан аввал ушбу натижага эришган энг ёш футболчи нигериялик Обафеми Мартинс бўлган. У «Интер» сафида «Арсенал»га қарши баҳсда бундай натижа қайд этганида 18 ёш 324 кунлик эди.