Осиё футбол конфедерацияси амалдаги ФИФА президенти Жанни Инфантинони келаётган сайловда қўллаб-қувватлайди. "Daily Mail" нашри хабарига кўра, Осиё футболи бошқарув аъзолари Инфантино номзодини маъқул кўради ва уни 4 марта президентликка сайлашга қарши эмас.
ОФК раиси Шайх Салмон бин Иброҳим Ал-Халифанинг бу қарори ташкилотга аъзо 47 та мамлакат футбол федерацияларига бирдек ёқмаслиги мумкин, лекин бу нарса Инфантино тақдирини ҳал қилиши аниқ. ФИФА президентлиги учун сайлов келаси йилнинг март ойида ўтказилади.
Инфантинога қарши овоз бериш учун қўйилган муддат эса 18 ноябргача амал қилади. Аммо ҳали ҳеч бир қитъа вакиллари қарши овоз бериш ҳуқуқидан фойдаланганича йўқ. Эслатиб ўтамиз, ўтган ёздаги жаҳон чемпионатидан кейин Инфатино бутун дунёга кейинги мундиални хусусий инвесторларга сотиш ҳақида таклиф берган эди. Бу нарса кенг жамоатчиликда кескин норозилик уйғотган.
