Германия терма жамоасининг собиқ яримҳимоячиси Дитмар Хаманн Юрген Клоппнинг Харри Кейннинг "Бавария"даги роли ҳақидаги фикрига муносабат билдирди.
Германия терма жамоаси бош мураббийи шундай деган эди: "Кейнни яримҳимояда, прессинг ҳудудида кўрганимда... Мен учун бу... Мен футболнинг Рим папаси эмасман, аммо бу қарорнинг мантиғини тушунмадим".
"Юрген Клопп Харри Кейннинг "Бавария" ўйинидаги ролини тушунмаётганини айтди. Клопп бу гапи билан танқид қилишни назарда тутганми ёки йўқми, билмайман.
Кейн ўз вазифаларига кирмайдиган ишларни ҳам бажармоқда. Венсан Компани ҳам ўтган мавсумда Кейнни рақиб жарима майдонида кўпроқ кўришни хоҳлашини айтган эди.
Савол шундаки, агар ҳужумчингиз вақтиннг катта қисмини яримҳимояда ёки ҳатто ундан ҳам орқароқда, ўз жамоасининг ҳимоя чизиғига яқин ҳудудда ўтказса, рақиб ҳимоясига керакли даражада босим ўтказиш мумкинми?
Исмаэль Сайбари ҳам "Арсенал"га қарши ўйинда ҳужумнинг энг олдинги чизиғида камдан-кам кўринди. Шу сабабли жамоага олдинги чизиқда футболчининг етарли даражада иштирок этиши етишмади.
Бундеслигада бундай ёндашув, эҳтимол, иш бериши мумкин. Аммо халқаро майдонда ҳам самара берадими — буни билмайман", — деди Дитмар Хаманн.
