"Арсенал" бош мураббийи Микель Артета жамоанинг 16 ёшли иқтидорли футболчиси Макс Доуман ҳақида илиқ фикрлар билдирди.

Испаниялик мутахассиснинг таъкидлашича, ёш футболчи нафақат ўз истеъдоди, балки характери ва жамоадошларига бўлган муносабати билан ҳам алоҳида ҳурмат қозонган.

Матбуот анжуманида Артетадан Доуман қандай қилиб қисқа вақт ичида жамоа ичида бундай катта эътибор ва ҳурматга сазовор бўлгани сўралди.

"Менимча, бу унинг характери билан боғлиқ. Ундаги иштиёқ ҳам жуда муҳим. Макс ниҳоятда самимий ва беғубор йигит.

У ҳали ўз йўлини эндигина бошлаяпти ва клуб тарихининг бир қисмига айланишни истайди.

Айнан шунинг учун ҳамма унга ёрдам беришга интилади, жамоадошлари у билан яқин муносабатда бўлишни хоҳлайди.

Макс ўзининг хулқ-атвори билан бундай муносабатга муносиб эканини исботлади.

Албатта, ҳамма унинг қанчалик иқтидорли эканини ҳам кўриб турибди. Шу сабабли барчамиз у ўз салоҳиятини имкон қадар тезроқ майдонда намоён этишини истаймиз", — деди Артета.

Қайд этиш жоиз, Макс Доуман ёш бўлишига қарамай, "Арсенал" футболчилари орасида катта ҳурматга сазовор бўлган.

Лондонликлар навбатдаги учрашувини 24 октябрь куни Англия Премьер-лигаси доирасида "Эвертон"га қарши ўз майдонида ўтказади.

Баҳс Тошкент вақти билан соат 19:00 да бошланиши режалаштирилган.