"Реал" бош мураббийи Жозе Моуриньо бўлажак "эл-класико"да Ламин Ямал учун жамоа тактикасини ўзгартирмаслигини маълум қилди.

"У буюк футболчи, буюк футболчиларни эса ҳурмат қилишади. Кимнидир ҳурмат қилиш бошқа нарса, режаларни, тузилмани ўзгартириш ва ўз моҳиятингни унутиш эса мутлақо бошқа нарса. Биз на у учун, на бошқа ҳар қандай кучли рақиб учун бундай қилмаймиз.

Биз яхши суръатдамиз: ғалаба қозоняпмиз, яхши ўйнаяпмиз ва гол уряпмиз. Аммо "эл-класико"да бунинг аҳамияти йўқ — бу бошқа турдаги ўйинлар. Ўз тажрибамдан келиб чиқиб айтишим мумкинки, "Класико" ва дербиларгача бўлган натижалар катта аҳамиятга эга эмас.

"Реал" — "Барселона" ўртасида бир мавсумда камида иккита "класико" бўлиб ўтади, баъзан эса бундан ҳам кўпроқ. Мураббийлар ким экани унчалик муҳим эмас; асосийси — "класико"нинг глобал миқёси, у ноёбдир. Футболда бошқа муҳим дербилар ҳам бор, аммо бу ўзига хос учрашув ва одатда бутун футбол олами уни томоша қилиш учун тўхтаб қолади. Умид қиламанки, бу буюк ўйин бўлади ва биз ғалаба қозонамиз", — дея Моуриньонинг сўзларини Мадрид клуби матбуот хизмати келтирмоқда.