«Удинезе» бош мураббийи Коста Руньяич Италия чемпионатининг 8-турида «Милан»дан учралган мағлубият учун шогирдларини танқид қилмади.
«Бу мағлубиятни қабул қиламан, албатта, у бизга фойда келтирмайди. Менимча, бугун майдонда ғайрат билан ҳаракат қилган жамоа бор эди.
Иккита гол ўтказиб юбордик, улардан бири учрашувнинг бошидаёқ киритилди. Бу эса рақибнинг ишини осонлаштирди.
Бугунги ўйинимиз тафсилотларига тўхталадиган бўлсам, жамоа бор кучини ишга солди. Шунингдек, бир нечта голли вазиятлар яратдик, аммо «Милан»дан фарқли равишда, улардан фойдалана олмадик», — дея мутахассиснинг сўзларини келтирди pianetamilan.it.
