«Лацио» ҳужумчиси Маттиа Дзакканьи жамоасининг Италия чемпионати 9-турида сафарда «Сассуоло»ни 6:2 ҳисобида мағлуб этгани ҳақида фикр билдирди. У ҳам гол муаллифлари қаторидан жой олди, бироқ пенальтини аниқ амалга ошира олмади.
«Мен бу стадионда илк бор А Серияда гол урганман. Бугун кечқурун ҳам айнан ўша дарвозага тўп киритдим. Бу қандай ҳиссиёт? Бу ажойиб йўл бўлди.
Йилдан-йилга ўсиб бордим ва шу даражага етганимдан хурсандман. Мавсумни қандай бошлаганимиздан жуда мамнунмиз.
Голдан кейинги нишонлашим эса амакимга бағишланди. Ҳозир у қийин даврни бошдан кечирмоқда, аммо буни енгиб ўтишига ишонаман», — дея Дзакканьининг сўзларини келтирмоқда Cittaceleste.it нашри.
