«Лацио»нинг «Сассуоло» устидан қозонган навбатдаги ғалабасидан сўнг учрашувда гол урган Густав Исаксен ўйин ҳақидаги фикрлари билан ўртоқлашди.
«Менимча, бу яхши ўйин бўлди. Бу ҳатто ташқаридан қараганда ҳам сезилди. Биз ўзимиз истаган услубда ҳаракат қилдик. Бироқ биринчи бўлимда рақибга керагидан бироз кўпроқ бўш ҳудуд қолдирдик, деб ўйлайман.
Шу билан бирга, ўтказиб юборилган голдан кейин жамоамизнинг қандай жавоб қайтарганидан жуда мамнунман.
Мураббий талабларини майдонда амалга ошириш жуда яхши. Ҳозир биз учун омадли давр кечмоқда.
Шу руҳда давом этишимиз керак», — дея Исаксеннинг сўзларини келтирмоқда Cittaceleste.it нашри.
