«Манчестер Юнайтед»нинг собиқ сардори Рой Кин жамоа бош мураббийи Майкл Каррикнинг фаолияти ҳақида ўз фикрларини билдирди.
«Уни “Борнмут”га қарши ўйиндан кейиноқ ишдан бўшатишларини кутгандим. Биринчи кунданоқ Каррик бундай лавозим учун етарлича яхши мутахассис эмаслигини айтиб келяпмиз.
Ўтган мавсумда Майкл бир нечта ўйинда жамоани бошқарди ва кейин бош мураббийга айланди. Кўпчилик ўтган мавсумдаги натижалари учун унга бу лавозимни бериш кераклигини таъкидлади. Ҳозир эса у натижа кўрсата олмаяпти, аммо одамлар айбни директорлар кенгашидан излашмоқда», — дея ирландиялик собиқ футболчининг сўзларини келтиради The Touchline.
Англия Премьер-лигасининг сўнгги турида «Манчестер Юнайтед» ўз майдонида «Борнмут»га 0:3 ҳисобида мағлуб бўлди. Ҳозирда жамоа турнир жадвалида 17-ўринни эгаллаб турибди.
