«Бавария» ҳужумчиси Гарри Кейн «Олтин тўп»ни қўлга киритган бўлса-да, унинг собиқ клуби «Тоттенхэм» бу муваффақиятдан молиявий фойда олмайди.

Журналист Флориан Плеттенбергнинг хабар беришича, Кейннинг «Тоттенхэм»дан «Бавария»га трансфери бўйича шартномада «Олтин тўп»ни қўлга киритганлик учун бонус назарда тутилмаган.

Келишувда бошқа қўшимча тўловлар мавжуд, аммо улар футболчининг мазкур индивидуал совринни ютиши билан боғлиқ эмас.

Кейн «Бавария» сафида ҳозиргача 159 та ўйин ўтказиб, 156 та гол ва 40 та ассист қайд этган.

Эслатиб ўтамиз, мюнхенликлар Германия кубогида «Магдебург»ни 6:1 ҳисобида мағлуб этди. Кейн ушбу учрашувни тўлиқ захира ўриндиғида ўтказди.