Португалия терма жамоаси ва "Милан" ҳужумчиси Гонсалу Рамуш Криштиану Роналдунинг мураббий билан келишмовчиликлар ортидан миллий жамоа ихтиёрини тарк этиш қарори ҳақида фикр билдирди.

"Криштианининг кетиши ғалати бўлди. Бизда машғулот бор эди, аммо у аллақачон жамоада йўқ эди. Терма жамоа атрофида катта шов-шув ва хавотир пайдо бўлди. Криштиану нима иш қилмасин — яхши ёки ёмон — бу катта резонанс келтириб чиқаради. Бу воқеаларнинг ҳеч бири ҳақиқатга ўхшамасди. Биз унинг ҳақиқатан ҳам кетган-кетмаганини тушунмадик.

Бу вазиятни эътиборсиз қолдириб бўлмайди, аммо биз Криштианининг йиғинни тарк этишига тўсқинлик қила олмасдик — бу федерация раҳбариятининг иши. Бундай вазият ҳеч кимга керак эмас. Ўйлашимча, ҳатто Криштианининг ўзи ҳам бу қарорни маъқулламайди, лекин унинг ўз сабаблари бўлса керак.

Роналду қайтиб келса, нима бўлади? Уни ҳам бошқа ҳар қандай терма жамоа аъзоси каби илиқ кутиб олишади. Ҳиссиётга берилиб қабул қилинган қарор сабабли у билан гаплашмай қўямизми? Албатта, йўқ. Бундай ҳолатлар ҳар кимнинг бошидан ўтиши мумкин.

Агар Криштиану йиғинда бўлса, мен уни аввалгидек кутиб оламан. У мураббий ва федерация билан юзага келган вазиятни ҳал қилиши керак", — деди Рамуш Canal 11 телеканали эфирида.