«Барселона» «Ливерпуль» клубига ижара асосида ўйнаётган ҳимоячи Рональд Араухони қишки трансфер ойнасида тўлиқ сотиб олиш таклифини берди. Каталонияликлар уругвайлик футболчини сотиш орқали ҳимоя чизиғини кучайтириш учун маблағ ишлаб олишни режалаштирмоқда. Бу ҳақда TEAMtalk хабар берди.

Манбага кўра, Араухо ҳам, «Ливерпуль» ҳам ўзаро ҳамкорликдан мамнун. Ҳимоячининг ижара шартномасига уни 55 миллион еврога сотиб олиш банди киритилган. Мерсисайдликлар 27 ёшли футболчи учун 48–54 миллион евро тўлашни мақбул деб ҳисобламоқда.

Араухо жорий мавсумда барча мусобақаларда 13 та учрашувда майдонга тушиб, иккита гол ва битта голли узатмани амалга оширди.

Футболчининг «Барселона» билан амалдаги шартномаси 2031 йилнинг ёзигача мўлжалланган. Transfermarkt портали маълумотига кўра, унинг бозор қиймати 25 миллион еврони ташкил этади.