Ўзбекистон ўсмирлар терма жамоаси делегацияси бугун тонгда БААга жўнаб кетди. Тошкент вақти билан соат 8:15да ҳаво кўтарилган самолёт деярли 4 соатлик парвоздан кейин Дубайга қўнди. Делегациямизни Дубай аэропортида ташкилий қўмита аъзолари кутиб олишди. Терма жамоамиз автобусда 1,5 соатлик йўл босиб, гуруҳ баҳслари бўлиб ўтадиган Фужейра шаҳрига етиб боради.
Маҳаллий ташкилий қўмита маълумот беришича, ЖЧнинг барча иштирокчилари бугун БААга етиб келишади. "С" гуруҳи вакиллари Панама ва Марокаш Амирликка етиб келиб бўлишган.
Терма жамоа билан БААга йўл олган ЎФФ матбуот котиби Санжар Ризаевнинг хабар беришича, Дубайда бугун ҳаво ҳарорати 33 даражани ташкил қилмоқда. Фужейрада эса бундан салқинроқ бўлиши кутиляпти. 
Дубай аэропорти
