ФИФА эртага навбатдаги рейтинг жадвалини эълон қилади. Жадвалда жиддий ўзгаришлар бўлиши кутилмоқда. Боиси, ушбу ҳафтанинг ўзида бир қанча расмий ўйинлар ва ўртоқлик учрашувлари ўтказилди.

Эртага эълон қилинадиган рейтингда Ўзбекистон терма жамоаси Австралиядан ўтиб кетган ҳолда, Осиёнинг учинчи жамоаси айланади. Вакилларимиз Осиё кубоги саралаш босқичи доирасида Вьетнам устидан қозонилган ғалаба эвазига ФИФА рейтингида очкоари сонини 3тага кўпайтиришади. Австралияликлар эса сўнгги бир ҳафта ичида 2та ўртоқлик ўйини ўтказишди ҳамда Францияга 0:6 ҳисобида ютқазиб, Канадани 3:0 ҳисобида мағлуб этишди. Натижада уларнинг рейтинг баллари кескин пасаяди. Биз улардан баландда бўламиз. Ўзбекистон умумий жадвалда 3-4 поғона кўтарилиши кутилмоқда.

Ўтган ой рейтингида биздан ортда қолган Жанубий Корея яна Ўзбекистондан пастда бўлади. Бу жамоа иккита ўртоқлик ўйини ўтказди ҳамда битта ғалаба (Мали) ва битта мағлубият (Бразилия) қайд этди. Дарвоқе, Австралия Жанубий Кореядан ҳам ортда бўлиши кутилмоқда.

Ўз навбатида Япония ва Эрон ҳам жадвалда пастлаши кутилмоқда. Улар бирибир Осиёнинг етакчи жамоалари сифатида эътироф этилишади.

ФИФАнинг октябрь ойи рейтингида Осиё жамоалари рейтинг баллари (тахминий):
1. Япония - 634
2. Эрон - 613
3. Ўзбекистон - 582
4. Жанубия Корея - 569
5. Австралия - 564
6. Иордания - 502
7. БАА - 496