«Милан»нинг собиқ ярим ҳимоячиси Женнаро Гаттузо «Ювентус» футболчиси Андреа Пирло ҳақида фикр билдирди.

«Пирло ҳеч нарсадан қўрқмайди ва келаси ҳафта бўлиб ўтадиган «Реал» каби жамоаларга қарши ўйинларга қандай тайёрланиш кераклигини билади.

У ҳар доим шундай бўлиб келган. «Милан» чемпионлар лигасининг финалида ўйнаганида ҳам у хотиржам эди. Мен бундай бўлса олмайман. Катта ўйинлар олдидан кечалари ухлолмасдим. У эса бошқача.

Андреа 34 ёшда ва буни яхши тушунади. Шунинг учун ундан ҳамма учрашувларда ҳам юқори савиядаги ўйин кутиш тўғри эмас»,- дейди Гаттузо.