Ўсмирлар ўртасидаги жаҳон чемпионати навбатдаги 2та учрашувда йирик ҳисоблар қайд этилмагани жамоалар кучининг тенг эканидан далолат беради.
БАА терма жамоаси эса мухлислар ишончини оқлай олмади. Учрашувдаги ҳисобни Гондурас очди. Орадан кўп ўтмасдан мезбон футболчиси Аш-Шамсий ҳакам томонидан қизил карточкага лойиқ топилди. Шунга қарамай, Амирлик жамоаси ҳисобни тенглаштира олди. Улар ўйиннинг 85-дақиқасигача дуранг натижани ушлаб туришди, бироқ ўйин тугашига 5 дақиқа қолганида Веласкез Гондурасга ғалаба келтирган тўп муаллифига айланди.
Кот-д'Ивуар ва Италия ўртасидаги баҳс тақдирини эса ягона гол ҳал қилди. Иккинчи бўлимнинг 1-дақиқасида Видо томонидан киритилган гол Италияга 3 очкони тақдим этди.
Ўсмирлар ўртасида Жаҳон чемпионати. 1-тур
"А" гуруҳи
БАА - ГОНДУРАС - 1:2
Голлар: Халфан (33) — Медина (20), Веласкез (85)
Четлатиш: Аш-Шамсий (26)
"В" гуруҳи
КОТ-Д'ИВУАР - ИТАЛИЯ - 0:1
Гол: Видо (46)
