“Нефтчи” – “Сўғдиёна” учрашувидан кейинги матбуот анжуманининг иккинчи қисмида жиззахликлар бош мураббийи Даврон Файзиев қатнашди.

Даврон Файзиев (“Сўғдиёна” бош мураббийи):
“Аввало фарғоналик мухлисларга миннатдорчилик изҳор этмоқчиман. Ўйиндан кейин улар бизни қарсаклар билан кузатиб қўйишди. Бу ерга келишдан олдин шогирдларимга тарихни янгилаш вақти келганини таъкидлагандим. 21 йилдан бери “Сўғдиёна” Фарғонадан очко ололмаётган эди. Бугун тарих янгиланди.  Қисқа танаффусдан фойдаланиб, хатоларимиз устида ишладик. “Пахтакор”га қарши ўйинни яхшилаб таҳлил этдик. Бугун ғалаба қозонганимиздан хурсандман”.