"МЮ" собиқ устози сэр Алекс Фергюсон жамоанинг ҳозирги бош мураббийи Дэвид Мойесга ишонишини таъкидлаб ўтди. Бу ҳақда Sky Sports хабар беради.

"Дэвид учун ушбу мавсумда исталган бир совринни ютиш буюк муваффақият бўларди. Бунда қайси мусобақа экани аҳамиятсиз.

Биз кўп бор биринчи ўринни олганмиз, Дэвид уларни билади. Умид қиламанки, у олдига қўйилган вазифани уддалай олади. Унинг олдидаги асосий иш шундаки, у қандайдир ўзгаришларни изламасдан, йигирма йилдан буён давом этиб келаётган муваффақият аньаналарини янада бойитиши керак.

Англия чемпионатида ғалаба қозониш жуда қийин, чунки бош соврин учун 6 жамоа курашаётир. Мойес клуб раҳбариятининг тўла қўллаб-қувватлашига эга, аммо севимли жамоамга яна бироз омад керак. Умид қиламанки, у бизга кулиб боқади", - деди Фергюсон.