Лондоннинг «Арсенал» раҳбарияти дарвозабон Войцех Шчеснига янги шартнома таклиф қилди. Лекин 23 ёшли дарвозабон клубнинг биринчи таклифига рад жавобини берди.
Маълум бўлишича Польша терма жамоаси дарвозабони Англия премьер лигасида ҳаракат қилаётган дарвозабонлар ичида энг кўп маош олувчи посбонга айланмоқчи.
Таъкидлаш жоизки, АПЛда энг кўп маош оладиган дарвозабон Уго Льорис ҳисобланади. «Тоттенҳэм» Франция терма жамоаси дарвозабонига ҳафтасига 90 минг фунт маош тўлайди. Жо Харт 7 кун давомида 80 минг фунт ишлаб топади. «МЮ» эса Давид Де Хеага 70 минг фунт ҳафталик маош тўлайди.
