Арманистон терма жамоаси футболчилари бош мураббий Вердан Минасяннинг жамода қолишини хоҳлашмоқда. Футболчилар федерацияга хат йўллашган.
«Албатта, Минасяннинг қарорини ҳурмат қиламиз, лекин унинг яна бир бор ўйлаб кўришини хоҳлардик. Охирги тўрт йил давомида терма жамоа катта йўлни босиб ўтди. Минасян бошчилигида биз бир жамоага айландик ва бирлашдик. Мухлисларимизни хурсанд қила олдик. У жамоада жуда яхши ички муҳитини шакллантирди. Биз Минасяннинг ўз қарорини кўриб чиқишини ва биз билан қолишини хоҳлаймиз. Мураббийимизнинг охирги қарорини кутамиз»,- деб ёзилган мурожаатда.
Хабарингиз бор, Вердан Минасян терма жамоадан кетмоқчи эканини маълум қилган эди.
