23-турнинг энг шиддатли ўйинларидан бири Олмалиқда бўлиб ўтди. Унда маҳаллий «Олмалиқ» клуби қизиқарли кечган баҳсда «Динамо» устидан 3:2 ҳисобидаги ғалабага эришди.
Қайд этиш жоиз, ўйин вакилларимиз ҳужумлари остида бошланиб, учрашувнинг 9-сониясидаёқ Фаррух Шотурсунов илк ҳужумни голга айлантирди, 0:1.
Голдан руҳланган Равшан Ҳайдаров шогирдлари ҳужумкорликни туширишмади ва 18-дақиқада яна бир бор мезбонлар дарвозасини ишғол этишга эришишди. Бу сафар ёш самарқандлик ёш яримҳимоячи Комил Шарофутдинов чиройли тарзда Роман Абдулов дарвозасини ишғол этиб, ҳисобдаги фарқни иккитага етказди, 0:2.
Ушбу голдан кейин динамочиларда ҳисобни йириклаштириш учун яна бир неча қулай имкониятлар бўлди, аммо вазиятлардан унумли фойдаланилмади. Мезбонлар эса 35-дақиқада ҳисобни қисқартиришди, 1:2.
Биринчи бўлим якунланишига бир дақиқа қолганида олмалиқликлар мувозанатни тиклашга эришишди. Бу сафар собиқ динамочи Дилявер Абибуллаев ўз голи билан жамоаларни танаффусга таклиф этди, 2:2.
Иккинчи бўлим эса Игорь Шквирин жамоаси устунлигида ўтди. «Динамо» футболчилари эса қарши ҳужумда тўп суриб, рақибни хатосини пойлашди. Аммо, ўйин якунланишига тўрт дақиқа қолганида яна бир собиқ динамочи Зафар Полвонов Достон Абдураҳмоновнинг тўп оширишидан кейин «Олмалиқ»га ғалаба келтирган гол муаллифига айланди, 3:2.
«ОЛМАЛИҚ» (Олмалиқ) – «ДИНАМО» (Самарқанд) - 3:2
Голлар: Обид Жўрабоев, 35, Дилявер Абибуллаев, 44, Зафар Полвонов, 84 - Фаррух Шотурсунов 1, Комил Шарофетдинов, 18.
«Олмалиқ»: 87. Роман Абдулов, 7. Достон Абдураҳмонов, 11. Зоҳир Пиримов, 12. Шариф Мирзаев (9. Зафар Полвонов, 46), 13. Игорь Петкович, 15. Баҳром Юлдашев, 20. Дарко Станоевич, 23. Шерали Жўраев (24. Диёржон Туропов, 54), 50. Георгий Квесиешвили (3. Азамат Исроилов, 60), 55. Обид Жўрабоев, 88. Дилявер Абибуллаев.
«Динамо»: 27. Андрей Мельничук, 4. Ойбек Нурбоев, 6. Акмал Бозоров, 12. Санъат Шихов, 16. Акмал Холмуродов, 18. Сирож Сайфиев, 21. Азамат Бобожонов, 26. Комил Шарофиддинов, 48. Ильдар Маматказин, 70. Фаррух Шотурсунов (17. Абдулла Набиев, 56), 72. Алишер Саматов.
Огоҳлантиришлар: Санъат Шихов 12.
