ОК-2015 саралаши 5-туридан ўрин олган Гонконг ҳамда Ўзбекистон терма жамоалари ўртасидаги учрашувни Навоф Шукрулла бошчилигидаги баҳрайнлик ҳакамлар бригадаси бошқариб боради.
19 ноябрь куни ОК-2015 саралаши доирасида 5-тур ўйинлари ўтказилади. Мазкур турда Миржалол Қосимов бош мураббийлигидаги Ўзбекистон миллий терма жамоаси сафарда Гонконг терма жамоасига қарши майдонга тушади. Ушбу учрашувни Навоф Шукрулла бошчилигидаги баҳрайнлик ҳакамлар бригадаси бошқаради.
Эслатиб ўтамиз, Ўзбекистон миллий терма жамоаси ОК-2015 саралаши 3-тур ўйинларидан сўнг ўз ҳисобидаги очколари сонини 4тага етказиб, саралашнинг «Е» гуруҳида 2-ўринда бормоқда. Қосимов шогирдлари 3-тур ўйинида 15 октябрь куни Тошкентда Вьетнам терма жамоасини 3:1 ҳисобида мағлубиятга учратган эди. Ўзбекистон миллий терма жамоаси 4-тур доирасида 15 ноябрь куни сафарда Вьетнамга қарши тўп сурса, 19 ноябрь куни 5-тур ўйинида сафарда Гонконг терма жамоасига қарши майдонга тушади.
ОК-2015. Саралаши, «Е» гуруҳи. 5-тур
19 ноябрь. Гонконг «Гонконг» стадиони.
Бош ҳакам: Навоф Шукрулла (Баҳрайн)
Қанот ҳакамлари: Ёсир Ҳалил Иброҳим (Баҳрайн), Иброҳим Муборак Муса (Баҳрайн)
Заҳира ҳаками: Жамил Жума (Баҳрайн)
Комиссар: Абдул Ғофур Абдул Ҳамид (Мальдив ороллари)
