“Гулистон” – “Бунёдкор” учрашувидан кейинги матбуот анжуманининг иккинчи қисмида гулистонликлар устози қатнашди.

- “Бунёдкор” чемпионлик учун курашаётган жамоа бўлса-да, рақибдан очко олиш учун майдонга тушгандик. Бироқ шогирдларимнинг кучлари пешқадамни енгиш учун очиқчасига етмади. Ғалаба билан “Бунёдкор” жамоасини табриклайман. Лекин шунга қарамасдан ўйин давомида тошкентликларга қаршилик кўрсата олдик. Очко йўқотган бўлсак-да, олий лигада қолиш учун охирги тургача курашамиз. Гулистон халқи, вилоят раҳбарлари учун жамоани элитада олиб қолишимиз керак. Ўйлашимча, бугунги ҳаракатларимиз стадионга йиғилган мухлисларга маъқул келди. Шу боисдан ҳам улар бизни қарсаклар билан кузатиб қўйишди. Бундай далда бизнинг ҳозирги ҳолатимиз учун жуда муҳим. Мухлисларимизга алоҳида миннатдорчилик билдириб қоламан, - дейди Бахтиёр Ашурматов.