"Манчестер Юнайтед" яримҳимоячиси Майкл Кэррикка яқин 2 ҳафта ичида янги шартнома таклиф қилинади.
Бу ҳақда Goal.com хабарида айтилишича, манкунианликлар Англия терма жамоасининг 32 ёшли ўйинчиси билан 2 йиллик шартнома тузишмоқчи. Ҳужжатда бу муддат яна бир йилга узайтирилиши мумкинлиги ҳам қайд этиб ўтилади.
Келаси ёзда эркин агентга айланадиган Кэррикнинг ўзи ҳам фаолиятини "Олд Траффорд"да якунлашга қарши эмас.
Қайд этилишича, айни пайтда футболчи "МЮ"да ҳафтасиа 85 минг фунт маош олади.
Эслатиб ўтамиз, жорий мавсум якуни билан "МЮ"нинг Рио Фердиданд, Патрис Эвра ва Неманья Видичлар билан ҳам шартномалари муддати якунланади.













