Мадриднинг «Реал» клуби ҳужумчиси Криштиану Роналду кеча бўлиб ўтган чемпионлар лигасининг «Ювентус»га қарши ўйинида иккита голга муаллифлик қилгани ҳақида хабар берган эдик.
Роналду ўзининг чемпионлар лигасидаги 56, 57-голларини Буффон дарвозасига йўллади. Бу натижа билан португалиялик ҳужумчи чемпионлар лигаси тўпурарлари пойгасида «Реал» ва «МЮ»нинг собиқ форварди Руд ван Нистелройдан ўзиб кетди.
Хабарингиз бор, чемпионлар лигаси тарихида энг кўп гол урган футболчи бу Раул ҳисобланади. Бу борада иккинчи натижа 63та гол муаллифи бўлган Лионэль Мессига тегишли.
Таъкидлаш жоизки, кеча Криштиану яна бир ўзига хос натижани қайд этди. У чемпионлар лигасининг 3та ўйинида рақиблар дарвозасига 7та гол критди. Бу натижани аввал «Милан»нинг собиқ ҳужумчиси Филиппо Индзаги 2002/2003 йилги мавсумда қайд этган эди.
