24 ва 27 октябрь кунлари биринчи лиганинг иккинчи босқичидан ўрин олган 15-16-тур баҳслари бўлиб ўтди. Ҳар иккала баҳсни ўз майдонида ўтказган “Машъал” ғалаба қозонди ва ўз ҳисобига олти очко ёзиб қўйди.
Яхши биласиз, муборакликлар аллақачон олий лига йўлланмасини ҳал қилиб бўлишган. Шунга қарамай, жамоамиз аъзолари бу ўйинларга ҳам жиддий қарашди ва натижада рақиблар устидан зафар қучишди.
Жамоамиз аввалига “Оқтепа”ни 5:1 ҳисобида мағлуб этган бўлса, кейин “Пахтакор-2”ни 2:0 ҳисобида мағлубиятга учратди. “Оқтепа” билан кечган ўйинда дастлаб Аббос Шодмонов ҳисобни очди. Кейин Зоҳир Қўзибоев 36, 40-дақиқаларда икки бор тўп киритиб, ҳисобни 3:0 кўринишга келтирди. Иккинчи таймда эса Баҳодир Муртазоев билан Виктор Клишин бир мартадан рақиб дарвозасига тўп киритди.
“Пахтакор-2” билан кечган учрашувда ҳам Зоҳир Қўзибоев гол уришга муваффақ бўлди. У 22-дақиқада ҳисобни очди. Кейин ўйиннинг 78-дақиқасида Мирзоҳид Ғофуров ҳисобни 2:0га етказди ва шу билан дарвозаларга бошқа тўп киритилмади.
15-тур. 27 октябрь
«Машъал» – «Оқтепа» – 5:1. 415 томошабин.
Ҳакамлар: Б. Намозов (Тошкент), З. Абдураҳмонов (Андижон), Х. Зулунов (Андижон), С. Саттаров.
Назоратчи: Э. Мусаев (Самарқанд).
Голлар: А. Шодмонов (8), З. Қўзибоев (36, 40), Б. Муртазоев (67), В. Клишин (90+2) – М. Аҳмаджонов (7).
Огоҳлантириш: Б. Муртазоев (29), З. Қўзибоев (80) – А. Алимов (37).
16-тур. 27 октябрь
«Машъал» – «Пахтакор-2» – 2:0. 118 томошабин.
Ҳакамлар: И. Ибрагимов (Нукус), Ф. Дўсматов (Гулистон), А. Суннатов (Гулистон), К. Расулов
Назоратчи: И. Раҳимов (Андижон).
Голлар: З. Қўзибоев (22), М. Ғофуров (78).
Огоҳлантириш: Ж. Ҳасанов («Машъал», 73).
