Бугун Қозоғистон кубогининг ярим финал жавоб учрашувлари бўлиб ўтди. "Актобе" ўз майдонида "Тараз"ни қабул қилди. Дастлабки ўйинда ҳисоб очилмаганидан хабарингиз бор.

Деярли тенг курашлар остида кечган ўйин 0:0 ҳисоби билан тугаётган ва барча руҳан қўшимча бўлимларга тайёрланаётган пайтда "Тараз" гол уришга муваффақ бўлди. Натижада финалга жамбулликлар йўл олишди.

Учрашувни ўзбекистонлик "трио" — Кападзе, Гейнрих ва Бикмаев асосий таркибда бошлашди. Уларнинг ичида энг фаоли Гейнрих бўлди. Бироқ юртдошларимизга финалга чиқиш насиб қилмади.

Актобеликлар энди 2 ноябрь куни "Ордабаси"га қарши чемпионатнинг сўнгги турида очкони қўлга киритиб, ўз мухлисларига чемпионликни туҳфа этишга ҳаракат қилишади.

Қозоғистон кубоги финалида эса "Шахтёр" ва "Тараз" ўйнайдиган бўлишди.