Футбол бўйича Ўзбекистон миллий терма жамоаси бош мураббийи Миржалол Қосимов терма жамоанинг ЖЧ-2014 финал босқичига чиқа олмагани футболчиларга жиддий салбий таъсир қилганини таъкидлади. Бош мураббий бу ҳақда 11 ноябрь куни ЎзМТРКнинг «Спорт» телеканали орқали эфирга узатилган «Футбол шарҳи» кўрсатувида маълум қилди, дея хабар бермоқда миллий терма жамоанинг расмий твиттер аккаунти.
«ЖЧга чиқа олмаганимиз футболчиларга катта руҳий зарба бўлди ва ўйинларимизга салбий таъсир қилди. Буёғига яхши бўлади», – деди Миржалол Қосимов. Бош мураббийнинг қўшимча қилишича, миллий терма жамоа таркиби ёшартирилади ва бу жараён «секин-секин, босқичма-босқич» олиб борилади.
Футбол бўйича Ўзбекистон миллий терма жамоаси ЖЧ-2014 саралаш баҳслари 4-саралаш босқичида 14 очко тўплаганига қарамай, мундиал финал босқичига тўғридан-тўғри чиқа олмаган эди. Сентябрь ойида бўлиб ўтган плей-офф саралаш баҳсларида терма жамоа Иордания терма жамоасига пенальтилар сериясига кўра имкониятни бой берди ва ЖЧ-2014 йўлланмаси учун курашни тўхтатди.
Иорданияга қарши Тошкентдаги, Ўзбекистон мағлубияти билан якунига етган ўйиндан сўнг Миржалол Қосимов Ўзбекистон футболи раҳбариятидан истеъфога чиқаришларини сўрашини маълум қилган эди. Бироқ ЎФФ раҳбарияти унинг бу илтимосини қисман қабул қилиб, Осиё Кубоги-2015 саралашида бошланган ишни тугатишни ва унинг ўрнига янги бош мураббий 2014 йил бошида тайинланишини маълум қилди. Бош мураббий хорижлик бўлиши мумкинлиги ҳам қайд этилди.
Терма жамоа шундан сўнг фақат бир марта – октябрь ойида Осиё Кубоги-2015 саралаш баҳслари доирасида Тошкентда Вьетнам терма жамоасига қарши майдонга тушди ва 3:1 ҳисобида ғалаба қозонди. Саралаш босқичи доирасидаги кейинги ва ҳал қилувчи аҳамиятга эга бўлган ўйинлар 15 ва 19 ноябрь кунлари ўтказилади – терма жамоа дастлаб Вьетнам меҳмони бўлса, орадан тўрт кун ўтиб Гонгконгга сафар қилади.
Ушбу ўйинлар учун Миржалол Қосимов терма жамоага 24 нафар футболчини чақирган; 11 ноябрь куни улар орасида Қозоғистон чемпионатида тўп сурувчи Шавкат Саломов ҳам пайдо бўлгани хабар қилинди.
| 14/11 05:00 | Уругвай | - | Колумбия | ||
| 14/11 05:00 | Перу | - | Чили | ||
| 14/11 14:10 | Австралия | 0-0 | Саудия Арабистони | ||
| 14/11 17:00 | КХДР | 2-3 | Эрон | ||
| 14/11 19:00 | Баҳрайн | 0-1 | Хитой | ||
| 14/11 19:00 | Кувайт | 1-3 | Жанубий Корея | ||
| 14/11 21:00 | Уммон | 1-0 | Фаластин | ||
| 14/11 21:15 | Ироқ | 0-0 | Иордания | ||
| 14/11 21:15 | Қатар | 3-2 | Ўзбекистон | ||
| 14/11 21:15 | БАА | 3-0 | Қирғизистон | ||
| 15/11 02:00 | Венесуэла | - | Бразилия | ||
| 15/11 04:30 | Парагвай | - | Аргентина | ||
| 15/11 05:00 | Эквадор | - | Боливия | ||
| 15/11 17:00 | Индонезия | - | Япония |
Миржалол Қосимов «буёғига яхши бўлиши»ни айтди
| Баҳо: |
+ | -
|
Рукн: Янгиликлар
Манба: www.kun.uz
Киритилди: 00:55, 12.11.2013.
Ўқилди: 5821 марта.
Фикрлар: 32 та.
Ўқилди: 5821 марта.
Фикрлар: 32 та.
ЭНГ КЎП ЎҚИЛГАН ЯНГИЛИКЛАР
Майк Тайсон оғир вазндаги энг кучли боксчини айтди [7602]
ЖЧ-2026 саралаш. Қатар - Ўзбекистон. Таркиблар аниқ [4620]
"Реал" Крооснинг ўрнини боса оладиган футболчини аниқлади [4570]
"Ливерпуль" билан ўйинда "Реал" ҳимоясида ким ўйнаши маълум бўлди [4439]
Sport TV'да 14 ноябрь куни 6 та жонли футбол трансляцияси бор [4209]
Роналду: "Португалия, раҳмат" [4074]
Рамос ўз хизматларини "Реал"га таклиф қилди - жавоб маълум [3450]
Рамос янги клубга ўтишга яқин турибди [3152]
Globe Soccer Awards: йилнинг энг яхши футболчиси соврини учун номзодлар эълон қилди [2725]
| Асосий сахифа |
|
© STADION.UZ Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт. Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар. |
|
|