Вьетнам ва Ўзбекистон миллий терма жамоалари ўртасидаги баҳсдан (0:3) кейинги матбуот анжуманида иштирок этган Миржалол Қосимов футболчилар мезбон жамоа мухлисларининг босимини ҳис қилишмаганини таъкидлаб ўтди.

"Ҳисобни очгунимизга қадар ҳам бизда гол уриш учун бир нечта имкониятлар юзага келганди. Майдонга мослашиб олиб, ўйинни бир маромда олиб бордик. Агар дарвозабон хато қилмаганида ҳам бошқа вазиятда албатта гол урардик", дейди Қосимов.

Қосимиов бугунги ўйин билан Тошкентда бўлиб ўтган дастлабки ўйинни таққослар экан, қуйидагиларни таъкидлади:

"Вьетнам футболчилари "Май Дин" стадионида яхши ўйнайди. Айниқса, улар қарши ҳужумда яхши ўйнашади. Шунингдек, менда жамоа сардори Тан Хай ва ҳимоячи Тан Луонг яхши таассурот қолдиришди. Ушбу ўйиндан олдин мен Вьетнамнинг БААга қарши ўйинини диққат билан ўргангандим".

Қосимов Вьетнам футболчиларининг қўпол ўйини ёқмаганини айтиб ўтди.

"Веьтнамнинг айрим футболчилари ўта агрессив ўйнади. Шунинг учун ҳам жароҳатлар кўп бўлди. Бугун Вьетнам ёмон ўйнамаган бўлсак-да, йирик ҳисобда мағлуб бўлди. Бу футбол. Бошқа томондан биз "Май Дин" стадионида ҳеч қанақа босимни ҳис қилмадик ва ушбу баҳсда 3 очкони қўлга киритдик", дейди Миржалол Қосимов.