ОФК турли номинациялар бўйича 2013 йилнинг энг яхши футболчиси учун номзод футболчилар рўйхатини эълон қилди.
Эрон миллий терма жамоаси ва "Истиқлол" клуби футболчиси Жавод Некуном, ОЧЛ ғолиби — "Гуанжоу Эвергранд" (Хитой) клуби сардори Чжен Чжи ва Жанубий Кореянинг "Сеул" клуби ўйинчиси Ха Дэ Сун ОФКнинг энг олий мукофоти учун даъвогарлик қилишмоқда.
Хабарингиз бор, ўтган йилдан бошлаб ОФК Осиёда ўйнаётган энг яхши хорижлик футболчи ва бошқа қитъада тўп сураётган энг яхши осиёлик футболчини ҳам аниқлаб келмоқда. Ушбу номинацияларга номзодлар қуйидаги кўрсатилган.
2013 йилнинг энг яхши футболчиси (алифбо тартибида)
Жавод Некуном (Эрон ва "Истиқлол")
Ха Дэ Сун (Жанубий Корея ва "Сеул" ФК)
Чжен Чжи (Хитой ва "Гуанчжоу Эвергранд")
Бошқа қитъада ўйнаётган энг яхши осиёлик футболчи (алифбо тартибида)
Кейсуке Хонда (Япония; ЦСКА)
Сон Хеунг Мин (Жанубий Корея; "Байер")
Юто Нагатомо (Япония; "Интер")
Осиёда ўйнаётган энг яхши хорижлик футболчи (алифбо тартибида)
Дарио Конка Леонардо ("Гуанчжоу Эвергранд"; Аргентина)
Деян Дамьянович ("Сеул" ФК; Черногория)
Луис Гильерме да Консейсау Сильва ("Гуанчжоу Эвергранд"; Бразилия)
Йилнинг энг яхшиларини тақдирлаш маросими 26 ноябрь куни ўткизилади.
