Россия терма жамоасининг собиқ дарвозабони Руслан Нигматулин кеча бўлиб ўтган Украина ҳамда Франция терма жамоалари ўртасидаги учрашув ҳақида фикр билдирди.
«Қўшниларимизнинг ғалаба қозонганидан улар учун хурсандман. Тўғрисини айтаман, бунақа бўлишини кутмаган эдим.
Бу энди бир вақтлар ҳамма мусобақаларни ютган Франция эмас. Ҳозирги жамоа ҳам ёмон эмас, лекин кеча Украина ҳеч ким кутмаганда жуда яхши ўйин кўрсатди. Жамоа жуда зўр тайёрланган.
Жавоб ўйини қизиқарли бўлиши аниқ. Умид қиламанки, Украина жаҳон чемпионатига чиқади»,- дейди дарвозабон.
Таъкидлаш жоизки, 1999 йилда Франция қитъа чемпионати саралаши баҳсида Россияни қабул қилган ва 2:3 ҳисобида имкониятни бой берган эди. Ўша учрашувда Руслан Нигматулин дахшатли сейвлари билан барчанинг ёдида қолган.
