Қашқадарё вилоят Футбол Федерациясида вилоятимизнинг 24 нафар футбол мураббийларига "С" тоифадаги лицензиялар топширилди. Ушбу тоифа лицензия футбол мураббийларимизга БЎСМ, БФМларда футболдан сабоқ бериш, иккинчи лигада мураббийлик қилиш шунингдек биринчи лигада ҳамда олий лигада ёрдамчи мураббий вазифасида ишлаш имконини беради.

 2012 йилнинг декабрь ойида Қашқадарё вилоятида Ўзбекистон Футбол Федерацияси "Мураббий ва ҳакамларни ўқитиш" бўлими томонидан "С" тоифа лицензияси учун ўқув курси ташкиллаштирилган эди. Ушбу курсни муваффақиятли ўқиб тугатган 24 нафар мураббийларга 18 ноябрь куни мураббийлик лицензияси топширилди.

Лицензияни топшириш маросимида Қашқадарё вилоят футбол федерацияси биринчи вице-президенти Норқул Даминов, Республика сертификациялаш ва аттестациядан ўтказиш бўйича Қашқадарё вилояти бўйича масъул ходим Қобил Қаюмов ҳамда мусобақаларни ўтказиш бўлими бошлиғи Анвар Ўриновлар иштирок этишди.