Қатар миллий чемпионатида иштирок этаётагн Фозил Мусаев ўз жамоаси сафидаги дастлабки голини уришга муваффақ бўлди.
"Ал-Муъайзар" ўз майдонида "Ал-Харайтият"ни қабул қилди ва 14-дақиқада ҳамюртимизнинг бош билан йўллаган зарбаси эвазига ҳисобни очди. Аммо Мусаев жамоаси ўйиндаги устунликни сақлаб қола олишмади. Аввалига Кебе (29-дақиқа) ҳисобни тенглаштирган бўлса, иккинчи бўлимда (66-дақиқа) Жейси Оквунванне "Ал-Харайтаят"га ғалаба келтирувчи голни мезбонлар дарвозасига йўллади. Фозил ушбу баҳсда тўлиқ ҳаракат қилди.
"Ал-Муъайзар" 7 очко (9 ўйин) билан мусобақа жадвалида 13-ўринда бормоқда.
Фозил Мусаев рақиб дарвозасини ишғол қилаётган вазият.
