ОФКнинг 2013 йилдаги энг яхши футболчиси совринига номзод 3 нафар футболчилардан бири эронлик Жавод Некуном ўзининг ғалабасига ишонаётганини таъкидлаб ўтди. "Истиқлол" ярим ҳимоячисига мазкур соврин бўйича "Сеул" ярим ҳимоячиси Ха Дэ Сунг ва ОЧЛ ғолиби Чжэн Чжи (Хитой) рақобатчилик қилади.

Бугун матбуот анжуманида иштирок этган эронлик футболчи, агар соврин унга тегадиган бўлса, бу клуб ва терма жамоадаги шериклари, мураббийлар ва техник ходимларнинг ҳам ютуғи бўлишини таъкидлади.

"Совринни қўлга киритиш учун учала футболчи ҳам муносиб, шу боис уни қўлга киритиш осон бўлмайди. Эртага совринни қўлга киритишим ва киритмаслигимдан қатъи назар мен аллақачон ўз мухлисларим, жамоадошлари, техник ходимлар ва мураббийлар билан бирга ушбу совринни қўлга киритиб бўлдим деб ҳисоблайман. 2013 йил жуда оғир бўлишига қарамай, у жуда эсда қоларли бўлди. ЖЧ саралаш босқичини ёмон бошлаганимизга қарамай, уни қўлга киритдик, "Истиқлол" билан ОЧЛ ярим финалигача етиб келди ва ички чемпионатда ғолибликни қўлга киритдик", дейди Некуном.

33 ёшли футболчи ОЧЛ баҳларида 3та гол уришга муваффақ бўлди. Аммо улар ярим финалда Кореянинг "Сеул" жамоасига икки ўйин натижасига кўра имкониятни бой беришди.

"ОЧЛ баҳслари қизиқ ўтди, аммо биз финалга чиқа олмадик. Лекин бизнинг таркибимиз ёш футболчилардан иборат ва юқори салоҳиятга эгамиз. Келгуси мавсумда бош совринни қўлга киритишга ҳаракат қиламиз. Ҳозирча асосий эътиборни терма жамоа ва клубда яхши ўйнашга қаратяпман. ЖЧда иштирок этиш ҳар қандай футболчининг орзуси ҳисобланади. Унда ғолиб чиқиш эса бошқа масала. Мусобақа давомида ўйиндан ўйинга иштиёқ билан ҳаракат қиламиз", дейди Эрон терма жамоаси ва "Истиқлол" клуби сардори.