Жанубий Кореянинг "Сеул" клуби сардори Ха Дэ Сунг ўзининг ватандоши ва дўсти Ли Кеунг Хо (2012 йил) каби қитъанинг бош совринини қўлга киритмоқчи. Бу йўлда унга эронлик Жавод Некуном ва хитойлик Чжен Чжи рақобатчилик қилади.

Кеча матбуот анжуманида иштирок этган Ха ўз фикрлари билан ўртоқлашди.

"11 ёшдан бери биз Ли Кеун Хо билан бирга футбол ўйнаб келамиз. Биз у билан ушбу соврин ҳақида кўп гаплашдик. Боиси, ўтган йили у совринни қўлга киритган бўлса, бу сафар мен даъвогарлар қаториига киритилдим. Натижадан қатъи назар мен номзодлар сафида қайд этилганимдан хурсандман", дейди кореялик футболчи.

"Унинг фикрича, бу сафар совринни ютиш осон бўлмайди. Бошқа икки рақибларим эришган натижаларни инобатга олганда, рақобат кучли бўлади. Биз рақибларим билан ОЧЛ ва ЖЧ саралаш босқичи доирасида жуда кўп марта тўқнаш келдик. Жавод (Некунам) жуда яхши футболчи эканини таъкидлашим лозим. ОЧЛ ярим финалида бизга омад кулиб боқди ва икки ўйин натижасига кўра "Истиқлол"ни мағлуб этдик. Акс ҳолда "Истиқлол" ОЧЛда ғолиб чиқиши мумкин эди", дейди "Сеул" сардори.

"Шунингдек, Чжен (Чжи) ўз жамоасининг етакчиси ҳисобланади. У "Гуанжоу" билан ОЧЛда ғолиб чиқди. Демак, у ҳам совринни қўлга киритишга муносиб. ОЧЛда ғалаба қозонсак, жуда зўр бўларди. Бироқ биз буни уддалай олмадик".

"Биз ушбу мавсумда жуда кўп мамлакатлар бўйлаб сафар уюштирдик. Мен жамоа сардори сифатида жамоадошларим орасида майдонда ҳам, майдон ташқарисида боғловчи вазифасини бажаришим керак. Биз мавсумни бир текис ўтказдик ва миллий чемпионатда ғолиб чиқдик. Бу ҳам муҳим ютуқлардан биридир", дейди Ха Дэ Сунг.