Кеча "Барселона" ҳимоячиси Карлес Пуйолнинг ўнг тиззасида яллиғланиш борлиги аниқланди, деб ёзади AS.
"Кўк-анорранглилар" сардори Чемпионлар лигасининг 5-турида "Аякс"га қарши майдонга тушиб (1:2) жароҳатланган ва натижада Ла-лиганинг бир учрашувини ўтказиб юборганди. Айни пайтда 35 ёшли футболчи шифокорлар назоратида бўлиб турибди.
Қайд этиш жоизки, Пуйол яқинда Испания лигаси томонидан ташкил этилган мавсумнинг энг яхши футболчисини аниқлаш маросимига ҳам ташриф буюра олмади.
Карлеснинг қачон тузалиши кейинроқ хабар қилинади.













