«Саутгемптон» устози Маурисио Пачеттино Англия чемпионатининг 15-туридан ўрин олган «Манчестер Сити»га қарши ўйин олдидан ўз фикрларини билдирди.

«Ҳеч ким жароҳат олишни хоҳламайди, лекин бу футбол. Бу борада охирги вақтларда омадимиз чопмаяпти. Бундай ҳолларда ёш футболчиларни таркибга жалб этишимиз керак ва умид қиламанки, улар ишончни оқлашади.

Ёшларнинг яхши ўйнашга ҳаракат қилишига ишонаман. Менимча, жамоа омадсиз кунларга чек қўйишга қодир»,- дейди мураббий.

Таъкидлаш жоизки, «Саутгемптон»нинг 8 футболчиси жароҳат олган ва жамоа охирги 3та ўйинда мағлубиятга учради. Пачеттино жамоаси Англия чемпионати турнир жадвалининг 3-поғонасига қадар кўтарилган эди.