"Ливерпуль" ҳужумчи Луис Суарес билан шартномани узайтириш борасида музокараларни бошлаш ниятида, деб ёзади The Telegraph.
Уругвайлик футболчи билан ҳозирги келишув яна икки ярим йил амалда бўлади, аммо мерсисайдликлар шартнома шартларни яхшилаган ҳолда, ҳужумчининг жамоадан кетиб қолмаслигини таъминламоқчи. Бу борада раҳбарлар Суаресни клуб тарихидаги энг кўп маош оладиган футболчи қилишдан ҳам тап тортмайдилар, дейилади манбада.
Қайд этилишича, Суарес "Ливерпуль" ЧЛга чиққан тақдирдагина келишувни узайтириш борасида музокаралар ўтказиши мумкин. Аммо клубдагиларга бу фикр ёқмаяпти.
Қайд этиш керак, АПЛнинг ушбу мавсумида Суарес 9 ўйинда майдонга тушиб, 13та гол муаллифи бўлди.













