«МЮ» устози Дэвид Мойес Англия чемпионати 15-туридан ўрин олган «Ньюкасл»га қарши кечган ўйин ҳақида фикр билдирди.

«Жамоа ҳозир ўтиши даврини бошдан кечирмоқда ва бундан ўринли хулоса чиқариши керак. «МЮ»га келганимда осон бўлмаслигини билгандим. Лекин охирги ўйинлардаги каби муваффақиятсизликка учрашимизни ҳам кутмаган эдим.

Мухлислар менга ва жамоага яхши муносабатда бўлмоқда. Улар бизни тушунишади. Аммо шу вақтгача 5 марта мағлуб бўлишимизни кутишмагани аниқ. Албатта, биз ҳам бундай бўлишини хоҳламагандик.

Биз ўзгаришимизни мухлислар тушинишади. Вазиятдан чиқиб кетиш учун қўлимиздан келганини қиламиз»,- дейди мураббий.