«Галатасарой» бош мураббийи Роберто Манчини чемпионлар лигасининг «Ювентус»га қарши ўйини олдидан ўз фикрлари билан ўртоқлашди.

«Бизнинг асосий вазифамиз – гол ўтказиб юбормаслик. Рақибни дарвозамиз олдига яқинлаштирмасак, ғалаба қозонишимиз керак.

Снейдернинг қандай ҳолатда эканига эртага эрталаб аниқ билиб оламиз. У ўзини яхши ҳис қилмоқда ва майдонга тушиши учун ҳеч нарса тўсиқ бўлолмайди деб ўйлайман.

Албатта, ўз олдимизга кейинги босқичга чиқиш вазифасини қўямиз. Учинчи ўрин ва шунга ўхшаш вариантлар ҳақида ўйлаганимиз ҳам йўқ.

Пирлонинг йўқлиги «Ювентус»га жиддий таъсир кўрсатади. У – буюк футболчи ва у майдонга тушмаса, шубҳасиз, «Ювентус» кучсизланади. Бошқа томондан қараганда унинг ўрнини билдирмайдиган футболчилар ҳам етарли»,- дейди Манчини.

Эслатиб ўтамиз, «Галатасарой» ҳамда «Ювентус» жамоалари ўртасидаги ўйин эртага Туркияда бўлиб ўтасди. Бу баҳсда «Галатасарой»ни ғалабагина кейинги босқичга олиб чиқади. «Ювентус»ни эса дуранг ҳам қаноатлантиради.