Ислом Тўхтахўжаев "Астана" клубида шуғулланишни бошлади. Бу ҳақда клуб расмий сайти хабар тарқатди. Шунингдек, у билан биргаликда яна бир янги футболчи — Кирилл Шестаков ҳам ўқув-машғулот йиғинида иштирок этмоқда.
Ислом Тўхтахўжаев Ўзбекистон миллий терма жамоасининг асосий таркиб футболчиси ҳисобланади ва у 29та ўйинда майдонга тушишга улгурган. У Ўзбекистоннинг ёшлар ва олимпия терма жамоаларида ҳам ўйнашга улгурган. Якунланган мавсумда эса 24 ёшли ҳимоячи "Локомотив" билан Ўзбекистон чемпионатининг кумуш медалига сазовор бўлди.
Шестаков эса сўнгги 3 йил давомида "Қайрат" шарафини ҳимоя қилган.
