"Эвертон"да тўп сураётган "Барселона" яримҳимоячиси Жерар Деулофеуни Каталония клубидан 35 миллион евро эвазига сотиб олиш мумкин. Бундай сумма Испания термасининг 19 ёшли аъзоси билан шу йил май ойида имзоланган янги шартномада белгилаб қўйилган. Ҳужжат 2017 йил 30 июнига қадар амалда бўлади.
Манбанинг шу ва бошқа маълумотларга таяниб хабар қилишича, "кўк-анорранглилар" "Барселона Б"дан асосий жамоага ўтаётган барча ёш ўйинчилар билан шу тарзда шартнома имзолашади.
Қайд этилишича, шу каби шартномалар кейинги ёзда Серхи Сампер, Сандро Рамирес, Жан-Мари Донгу ва Франк Маки Баньяклар билан ҳам имзоланиши кутилмоқда.













