"Челси" бош мураббийи Жозе Моуриньо АПЛ доирасидаги шанба кунги "Кристал Пэлас"га қарши учрашув олдидан январда трансфер бозоридан кимнидир ҳарид қилиш нияти йўқлигини маълум қилди.
"Челси" устозининг сўзларига кўра, клуб режадан ташқари қандайдир воқеълик бўлган тақдирда янги ўйинчини харид қилиши мумкин.
"Таваккал қилишни истамаймиз, шу боис Гари Кэхилл эртага майдонга тушмайди. Унинг жароҳати йўқ, аммо мушакларида оғриқ бор", - дея қўшимча қилди Моуриньо.
Португалиялик мутахассис, шунингдек, эртага чап қанот ҳимоясида Сезар Аспиликуэто тўп суришини, Эшли Коул эса Лига кубоги доирасидаги "Сандерленд"га қарши ўйин олдидан дам олиш имкониятига эга бўлишини ҳам айтиб ўтди. Бундан ташқари, "кўклар" таркибида ҳимоячи Райан Бертран жароҳат олган бўлиб, у икки ҳафта майдонга туша олмайди.