"Анжи" бош мураббийи Гаджи Гаджиевнинг айтишича, клуб хўжайини Селаймон Керимов ривожланиш йўналиши ўзгаргандан кейин жамоа билан нималар содир бўлаётганини кўриб ва тушуниб турибди.
"Бўлаётган ишлар унинг учун бироз оғриқли бўлиши мумкин. "Анжи"га сарфлаётган пулларни инобатга олганда жамоа бутунлай бошқа ўринлар учун курашиши лозим эди. Аммо клуб эгаси ундан бутунлай вз кечмоқчи эмас, маблағлар сарфланиши режа бўйича камайиб боради. Премьер-лигада бюджети катта бўлмаган, аммо яхши қатнашаётган жамоалар ҳам бор", - дейди Гаджиев.
Эслатиб ўтамиз, "Анжи" Россия чемпионатининг 19-туридан сўнг бир марта ҳам ғалабага эришмаган ҳолда жадвалнинг энг охирги ўрнида бормоқда.
