Россия термаси ва Махачқалъанинг "Анжи" клуби собиқ устози Гус Ҳиддинк ЖЧ-2014дан кейин Голландия терма жамоасини бошқаради, дея хабар беради Telegraaf.
Манбанинг хабарича, 67 ёшли мутахассис билан 2018 йилнинг ўрталаригача шартнома тузилган. Мураббий 2016 йили Францияда бўлиб ўтадиган Европа чемпионатидан кейин ишини топширади, аммо 2018 йилнинг ўрталаригача Голландия футболи тизимида фаолият кўрсатади. Унинг тизимдаги аниқ фаолии ҳақида маълумот берилмаган. У ўзининг ўринбосари ким бўлишига аниқлик киритишда ёрдамлашиши мумкин эканлиги кутилмоқда.
Эслатиб ўтамиз, ЖЧ-2014да Голландия термаси Луи Ван Гал қўл остида иштирок этади. Голландияликлар гуруҳида Испания, Австралия ва Чили терма жамоалари жой олган.
