"Манчестер Юнайтед" бош мураббийи Дэвид Мойес АПЛнинг доирасидаги бироз аввал якунланган "Астон Вилла"га қарши ўйиндан кейин (3:0) матбуот анжуманида қуйидагиларни таъкидлади.

"Охирги ўйинларимизда катта фарқ бўлди деб айтолмайман. Шунчаки, бугун гол ура олдик. Аввалгиларида буни эплай олмаётгандик. Биз янада яхшироқ ўйнашга кўпроқ ҳаракат қилишимиз керак. Бугунги ўйин ҳам бундан мустасно эмас.

Ўз ўйинимизни доимий равишда ўстириб боришимиз учун қўлимдан келган барча ишни бажараман.

Валенсия жуда яхши ўйин ўтказди. Янузай ҳали ўрганишда давом этмоқда. Келажакда унинг истеъдоди ёрқин намоён бўлади. Дэнни Уэлбек - гол уриб туришда давом этиши керак бўлган ўйинчи. Бугун яхши ўйнади, рақиб дарвозасига босим ўтказди ва гол уриши ҳам мумкин эди. Клеверли ҳам ёмон ўйнагани йўқ. У тўп оширишларда омадли чиқди, муваффақиятга эришди", - деди Мойес.