Вадим Абрамовнинг "Астана"дан кетиши билан пойтахт клубига нисбатан қозоқ ОАВда танқидий муносабат ошиб кетди. Нафақат ушбу клуб, балки бошқа жамоаларда ҳам кетма-кет мураббий ва баъзан раҳбарларнинг истеъфога чиқарилиш ҳолатлари бугун қозоқ футболида янгилик бўлмай қолди. Ушбу мавзуда атрофлича фикр юритиб, "Пойтахт муаммоси" номли мақола эълон қилган Sports.kz мухбири Всеслав Половецнинг фикрларидан иқтибос келтириб ўтишни лозим топдик.

-Келинг, холисона муҳокама қилсак: "Астана" Абрамовнинг ўзи учун ҳам янгилик бўлган еврокубокларда муваффақиятга эриша олармиди? Қачондир - ҳа. Аммо бир шарт билан: унга энг камида уч йил муддатни кафолатлаш керак эди. Худди "Шахтёр"да Виктор Кумиков билан бўлгани каби. Аммо тушунарлики, қозоқ футболидаги исталган клуб каби "Астана"да ҳам кўп нарсани бой беришга вақт йўқ. Фақат бугунги статус ўйланиб, пойтахт клубида жиддий ғалабалар шу заҳоти талаб қилинади.

Шуларни ҳисобга олиб, "Астана"нинг ишни эскича юритишга одатланган аввалги раҳбарияти бундай максимал ҳажмда ишлашга тайёр эмасди. Балки шунинг учун ҳам ишдан олинганлар...